Դեմքի մաշկի խնամքը ճիշտ կազմակերպելու համար առաջին հերթին պետք է որոշել մաշկի տեսակը։ Սխալ ընտրված գեղեցկության ռեժիմը կարող է վատթարացնել էպիդերմիսի վիճակը, առաջացնել ճարպի ավելցուկ արտադրություն, գրգռվածություն, չորություն և անհանգստություն: Նման երևույթներից խոսափելու համար սույն հոդվածում դուք կծանոթանաք թե ինչպես ինքներդ որոշեք ձեր դեմքի մաշկի տեսակը։
ԴԵՄՔԻ ՄԱՇԿԻ ՏԵՍԱԿԸ – ԻՆՉՊԻՍԻ՞Ն ԱՅՆ ԿԱՐՈՂ Է ԼԻՆԵԼ
Յուղոտ կամ խնդրահարույց մաշկ
Այս տեսակին բնորոշ է ընդլայնված ծակոտիները, անհավասար հյուսվածքը և յուղոտ փայլի միտումը: Հաճախ կարող է հայտնվել ցան (պզուկներ): Այս տիպի մաշկը սովորաբար խիտ է, ավելի քիչ զգայուն արտաքին գործոնների ազդեցության նկատմամբ և ավելի դանդաղ է ծերանում՝ յուղով ինքնախոնավանալու պատճառով։
Չոր կամ զգայուն մաշկ
Մաշկի այս տեսակը ենթակա է ամենաարագ ծերացմանը՝ դերմիսի ջրազրկումը հրահրում է ամրության, առաձգականության և բարակ կնճիռների կուրուստի և առաջացնում է գրգռվածություն: Ծակոտիներն աննկատ են, ցաներ հազվադեպ են առաջանում։ Մաշկը բարակ է, ռեակտիվ, շերտավոր և պահանջում է հատուկ խնամք։ Լվանալուց կամ մաքրելուց հետո հաճախ նկատվում է թեթև ձգվածության, անհարմարության զգացում։
Համակցված (Խառը) մաշկ
Դեմքի տարբեր հատվածներում առկա է յուղոտ և չոր մաշկի համադրությունը: T գոտին (ծնոդ, քիթ, ճակատ) բնութագրվում է ճարպի ինտենսիվ արտազատմամբ և հաճախ առաջանում է բորբոքումներ: U- գոտում (այտեր և այտոսկրեր) մաշկը, ընդհակառակը, չոր է։ Համակցված մաշկի ամենօրյա խնամքը կարող եք համատեղել յուղոտ և չոր կոսմետիկայի տեսականիներով:
Նորմալ մաշկ
Տեսանելի թերությունները բացակայում են։ Նորմալ տիպի մաշկը ունի միատեսակ գույն և հյուսվածք, առողջ փայլատ հյուսվածք և հատուկ խնամք չի պահանջում. պարզապես անհրաժեշտ է պահպանել էպիդերմիսի օպտիմալ հավասարակշռությունը:
Օրգանական Օճառ
«ԱԼՈԵ ՎԵՐԱ ԼՅՈՒՔՍ»
Օրգանական Օճառ
«ՉԻՉԽԱՆԻ»
ԱՖՐԻԿԱԿԱՆ ՍԵՎ
Օրգանական Օճառ
ԿԱՐՈ՞Ղ Է ՓՈԽՎԵԼ ՄԱՇԿԻ ՏԵՍԱԿԸ ԿՅԱՆՔԻ ԸՆԹԱՑՔՈՒՄ
Դեմքի մաշկի տեսակը գենետիկորեն որոշված է, սակայն բազմաթիվ գործոնների ազդեցության տակ (ինչպես ներքին, այնպես էլ արտաքին) մաշկի տեսակը կարող է փոխվել մարդու կյանքի ընթացքում։ Օրինակ, էպիդերմիսի (վերնամաշկի) վիճակը կարող է փոփոխվել տարբեր բնույթի հորմոնալ փոփոխություններից.
- հղիություն,
- դաշտանադադարի շրջան,
- որոշ հորմոնալ խանգարումներ,
- սեռական հասունություն:
Դեմքի մաշկի տեսակի փոփոխությունը կարող է առաջանալ նաև.
- կլիմայի կտրուկ փոփոխությամբ,
- սննդակարգի փոփոխությամբ,
- սթրեսի պատճառով,
- որոշակի դեղամիջոցներից կամ
- ոչ պատշաճ ընտրված կոսմետիկա օգտագործելիս:
Համապատասխան խնամքը կարող է շտկել յուրաքանչյուր տեսակի խնդիր, լինի դա ճարպի ավելցուկ արտադրություն, որն ուղեկցվում է պզուկներով, չորությամբ, շերտավորումով կամ գերզգայունությամբ:
ԻՆՉՊԵ՞Ս ՈՐՈՇԵԼ ԴԵՄՔԻ ՄԱՇԿԻ ՏԵՍԱԿԸ ՏԱՆԸ
Դա ճիշտ անելու համար կօգնեն մաշկաբանը կամ կոսմետոլոգը։ Դուք կարող եք նաև ստուգել ձեր էպիդերմիսի վիճակը տանը պարզ թեստերի միջոցով:
Դուք կարող եք տեսողականորեն որոշել մաշկի տեսակը հետևյալ կերպ.
- Եթե դեմքի վրա տեսանելի թերություններ չկան, գույնը առողջ է և միատեսակ, ռելիեֆը հարթ է (առանց կոպտության), մաշկը փայլատ է, յուղոտ փայլ չկա, ապա դուք ունեք նորմալ մաշկի տեսակ։
- Եթե դեմքի մաշկը բարակ է, ծակոտիները նրա վրա գրեթե անտեսանելի են, ցան հազվադեպ է առաջանում, ապա դուք ունեք գերզգայունության հակում ունեցող չոր տեսակ։ Այս տեսակի հիմնական բնութագրերն են չորությունը, անհարմարության և ձգվածության զգացումը, կլեպը։ Բացի այդ, չոր տեսակը առավել հակված է վաղաժամ ծերացման և բարակ կնճիռների և ջրազրկման գծերի առաջացման:
- Եթե դեմքի վրա ավելորդ յուղոտ փայլ և ցան կա (պզուկ, հետակնե), ապա դուք ունեք յուղոտ մաշկ։ Այս տեսակը բնութագրվում է անհավասար ռելիեֆով, հյուսվածքով և հողեղեն երանգով:
- Եթե նախորդ կետում թվարկված մաշկային վիճակը բնորոշ է T-զոնային (ծնոտ, ճակատ, քիթ), իսկ այտերը մնում են առանց ցանի, ապա դուք ունեք համակցված տեսակ։
ԻՆՉՊԵ՞Ս ՈՐՈՇԵԼ ՄԱՇԿԻ ՏԵՍԱԿԸ ԱՆՁԵՌՈՑԻԿՈՎ
- Ձեր մաշկի տեսակը պարզելու համար դեմքը մաքրեք ձեր սովորական մաքրող միջոցով։ Մաքրելուց հետո մի օգտագործեք լրացուցիչ սնուցող կամ խոնավեցնող միջոցներ,
- Մաքրելուց 30 րոպե անց, երբ ճարպագեղձերը սկսում են ակտիվորեն ճարպ արտադրել, դեմքին քսեք չոր անձեռոցիկ 20 վայրկյան,
- Գնահատեք անձեռոցիկի վիճակը.
- եթե T- գոտում նկատելի է յուղոտ հետք, ապա մաշկը կոմբինացված է,
- դեմքի բոլոր մասերում յուղոտ հետքը վկայում է յուղոտ մաշկի մասին,
- եթե անձեռոցիկի վրա առկա են ճարպի հազիվ նկատելի հետքեր, ապա դուք ունեք նորմալ մաշկ,
- եթե ընդհանրապես հետքեր չկան, ուրեմն դուք ունեք չոր մաշկ:
